අන්තර්ජාලය රකින්න ගූගල් සොරුන් ගෙන් වැඩගන්නට සැරසෙයි

ගූගල් සහ අන්තර්ජාලය දෙකක් නොව ඒකක් යැයි පැවසුවෙහාත් ඒය අතිශෝක්තියක් නොවේ. මේ නිසාම අන්තර්ජාලෙය් ආරක්ෂාවට ගූගල් සමාගම ඉමහත් වෙහෙසක් දරනවා. පසුගිය දිනකදී Google විසින් “Project Zero” නමින් නවතම කණ්ඩායමක් හදුන්වා දෙනු ලැබුවා. සුපිරි ගනයේ පරිගණක දත්ත සොරුන් කිහිපදෙනෙකු (Star Hackers) හා පරිගණක හා මෘදුකාංග දෝෂ සොයන්නන් (Bug Hunters) කිහිප දෙනෙකු ගෙන් සමන්විත මෙම කණ්ඩායම Google විසින් පත් කර තිබෙන්නේ අන්තර්ජාලය තුල සුරක්ෂිතතාවය ඇති කිරීම හා අන්තර්ජාලය ආරක්ෂා කර ගැනීම සම්බන්ධයෙන් කටයුතු කිරීමටයි.

විද්‍යා පුබන්ධ චිත්‍රපටයක පිටසක්වල ජීවීන්ගේ ප්‍රහාරයකින් ලෝකය බේරා ගන්නට උත්සාහ කරන සුපිරි වීරයන් කණ්ඩායමක් වැනි වූ මෙම Project Zero කණ්ඩායම Google විසින් බඳවාගෙන තිබෙන්නේ ලෝකයේ තිබෙන මෘදුකාංග වල ඇති අනාරක්ෂිත ස්ථාන හා දෝෂ හදුනා ගැනීමටයි

Project Zero යන නාමය මෙම කණ්ඩායමට ලැබී තිබෙන්නේ “zero-day” යන වචනය පාදක කර ගෙනයි. එනම්, ඔවුන්ගේ උත්සාහය අන්තර්ජාලය තුල සාපරාධි ක්‍රියා වලින්, දත්ත සොරකම් කිරීමෙන් , නිල නොලත් බුද්ධි අංශ වල කිරියකාරකම් වලින් තොර දිනයක් (zero-day vulnerabilities) ගොඩ නැගීමයි.
මේ වනවිට මෙම සුපිරි තරු කණ්ඩායමට සුපිරි දත්ත සොරුන් කිහිපදෙනෙක්ම බඳවා ගෙන තිබෙනවා.

Ben Hawkes – නවසීලන්ත ජාතිකයෙක් වන මොහු Adobe Flash සහ Microsoft Office හි අති විශාල දෝෂ ප්‍රමාණයක් සොයා ගැනීමට සමත් වූ පුද්ගලයෙකි.

George Hotz - Sony PlayStation 3 hack කිරීම නිසා ප්‍රසිද්ධියට පත් වුනු මොහු iPhone සහ Google Chrome hack කිරීමට සමත් කම් දැක වූවෙකි

Tavis Ormandy - මොහු Google සමාගමේ Information Security Engineer කෙනෙකු ලෙස සේවය කරන අතර විවිධ මෘදුකාංග වල විවිධ වූ දෝෂයක් සොයා දීමට මොහු සමත් වී තිබෙනවා. මෙම Project Zero කණ්ඩායමේ මුලික පරමාර්ථය පුද්ගලයන් ඉලක්ක කර ගෙන සැලසුම් කරන ලද ආක්‍රමණ වලට හසුවන පුද්ගලයන් සංක්‍යාව අවම කිරීමයි.